అపరాధిని యేసయ్యా

అపరాధిని యేసయ్యా కృపజూపి బ్రోవుమయ్యా || 2 || నెపమెంచకయె నీ కృపలో నపరాధములను క్షమించు || 2 || || అపరాధిని || సిలువకు నిను నే గొట్టి తులువలతో జేరితిని || 2 || కలుషంబులను మోపితిని దోషుండ నేను ప్రభువా || 2 || || అపరాధిని || ప్రక్కలో బల్లెపుపోటు గ్రక్కున పొడిచితి నేనే || 2 || మిక్కిలి బాధించితిని మక్కువ జూపితి వయ్యో || 2 || || అపరాధిని || ముళ్ళతో కిరీటంబు నల్లి నీ శిరమున నిడితి || 2 || నా వల్ల నేరమాయె చల్లని దయగల తండ్రి || 2 || || అపరాధిని || దాహంబు గొనగా చేదు చిరకను ద్రావ నిడితి || 2 || ద్రోహుండనై జేసితినీ దేహంబు గాయంబులను || 2 || || అపరాధిని || ఘోరంబుగా దూరితిని నేరంబులను జేసితిని || 2 || కౄరుండనై గొట్టితిని ఘోరంపు పాపిని దేవా || 2 || || అపరాధిని || చిందితి రక్తము నాకై పొందిన దెబ్బల చేత || 2 || అపనిందలు మోపితినయ్యో సందేహమేలనయ్యా || 2 || || అపరాధిని || శిక్షకు పాత్రుడనయ్యా రక్షణ దెచ్చితివయ్యా || 2 || అక్షయ భాగ్యము నియ్య మోక్షంబు జూపితివయ్యా || 2 || || అపరాధిని ||