హోసన్ననుచూ స్తుతి పాడుచూ
Hosannanucu Stuti Paducu
17 Nov 2025
హోసన్ననుచూ స్తుతి పాడుచూ సీయోనుకు చేరెదం || 2 ||
హోసన్నా… హోసన్నా… (4) ||హోసన్ననుచూ||
ఈ లోకయాత్రలో బాటసారులం
ఈ జీవన కడలిలో పరదేశులం || 2 ||
క్షణభంగురం ఈ క్షయ జీవితం
అక్షయ నగరం మనకు శాశ్వతం || 2 || ||హోసన్నా||
మన్నయిన ఈ దేహం మహిమరూపమై
ధవళవర్ణ వస్త్రములు ధరియించెదము || 2 ||
నాధుడేసుకు నవ వధువులము
నీతి పాలనలోన యువరాణులము || 2 || ||హోసన్నా||
ప్రతి భాష్ప బిందువును తుడిచివేయును
చింతలన్ని తీర్చి చెంత నిలుచును || 2 ||
ఆకలి లేదు దప్పిక లేదు
ఆహా మన యేసుతో నిత్యమానందం || 2 || ||హోసన్నా||